जगन्माता देवी पार्वती अर्थात दऱ्याबाई नावाने प्रसिद्ध असलेले व तिच्या वास्तव्याने पुनीत झालेले चारी बाजूने निसर्ग सौंदर्याने नटलेले दरी हे गाव नाशिक पासून १६ किलो मीटर अंतरावर वसलेले आहे.

शुद्ध व स्वच्छ हवा व भरपूर पाणी अशी नैसर्गिक देणगी लाभलेली आहे. डोंगराच्या कुशीत टुमदार पणे मोठ्या डौलात वसलेले आहे.

उत्तर दिशेला आळंदी नदी असून नदीवर मोठे धारण आहे. गावाच्या कुशीत दऱ्या बाई देवीचे मंदीर आहे. म्हणून या गावाचे नाव दरी असे पडलेले आहे दरवर्षी चैत्र पौर्णिमेला गावात यात्रा भरते सर्व ग्रामस्थ व परिसरातील लोक यात्रेत सहभागी होतात. व तसेच रात्रीच्या वेळी गावात सांस्कृतिक कार्यक्रम होतात.

गावाचे एकूण भौगोलिक क्षेत्र ९७१.५८ हेक्टर आहेत. त्या पैकी लागवडी खालील क्षेत्र ६४६ हे.आहे. ग्रामपंचायत मालकीचे २६६.३६ हे.क्षेत्र आहेत. सदर क्षेत्रात केंद्र शासनाच्या हरियाली पाणलोट योजने अंतर्गत वृक्ष लागवड, सिमेंट बंधारे, दगडी बांध, चार खोडणे ई. पानलोटाची कामे केलेली आहे. गावातील मुख्य व्यवसाय शेती व शेतमजुरी करणे हा आहे.

तसेच शेळी पालन व कुकुट पालन हे शेती पूरक व्यवसाय केले जातात.

गावातील मुख्य पिके द्राक्ष, टोमॅटो,भाजीपाला,भात,गहू, घेतली जातात.